Կորոնավիրուս (COVID-19)

Կորոնավիրուսային հիվանդությունը (COVID-19) վարակիչ հիվանդություն է, որն առաջանում է նոր հայտնաբերված կորոնավիրուսից։

COVID-19 վիրուսով վարակված մարդկանց մեծ մասը կունենա թեթևից մինչև միջին ծանրության շնչառական հիվանդություն և կապաքինվի առանց հատուկ բուժման անհրաժեշտության: Տարեց մարդիկ և նրանք, ովքեր ունեն հիմքում ընկած բժշկական խնդիրներ, ինչպիսիք են սրտանոթային հիվանդությունները, շաքարախտը, քրոնիկ շնչառական հիվանդությունները և քաղցկեղը, ավելի հակված են զարգացնելու լուրջ հիվանդություն:

Վարակի տարածումը կանխելու և դանդաղեցնելու լավագույն միջոցը COVID-19 վիրուսի, դրա առաջացրած հիվանդության և տարածման եղանակների մասին լավ տեղեկացված լինելն է: Պաշտպանեք ինքներդ ձեզ և ուրիշներին վարակից՝ հաճախակի լվանալով ձեռքերը կամ օգտագործելով սպիրտային հիմքով քսուք և չդիպչելով դեմքին:

COVID-19 վիրուսը տարածվում է հիմնականում թքի կաթիլների կամ քթից արտազատուկների միջոցով, երբ վարակված անձը հազում կամ փռշտում է, ուստի կարևոր է, որ դուք նաև պահպանեք շնչառական էթիկետի կանոնները (օրինակ՝ հազալով ծալված արմունկի մեջ):

Այս պահին COVID-19-ի դեմ որևէ հատուկ պատվաստանյութ կամ բուժում չկա։ Այնուամենայնիվ, կան բազմաթիվ կլինիկական փորձարկումներ, որոնք գնահատում են հնարավոր բուժումները։ ԱՀԿ-ն կշարունակի տրամադրել թարմացված տեղեկատվություն, հենց որ կլինիկական արդյունքները հասանելի դառնան։