Mataimakin ministan harkokin wajen kasar Sin Ma Zhaoxu, ya bayyana hakan a yayin wani taron manema labarai a nan birnin Beijing a ranar Alhamis din nan a nan birnin Beijing cewa, kasar Sin ta kara zage damtse wajen raya hidimar diflomasiyya a cikin shekaru goma da suka gabata, tare da samar da tsare-tsare masu inganci da matakai da dama.
Ma ya ce, a cikin shekaru 10 da suka gabata, yawan kasashen da suka kulla huldar diplomasiyya da kasar Sin ya karu daga 172 zuwa 181. Kuma kasashe 149 da kungiyoyin kasa da kasa 32 ne suka jawo hankulan su shiga cikin shirin "Belt and Road Initiative".
A cewar Ma, kasar Sin tana kiyaye ikonta na kasa, tsaro da ci gaban moriyarta, a yayin da take fuskantar kamewa daga waje, murkushewa da kuma tsangwama maras tushe.
Ya ce, kasar Sin ta kare ka'idar Sin daya tak da karfin tuwo, tare da dakile matakan kin jinin Sinawa a jere, na kai hari da bata sunan kasar Sin.
Ma ya ce, kasar Sin ta kuma tsunduma cikin harkokin gudanar da harkokin duniya cikin shekaru 10 da suka wuce, da zurfin da ba a taba ganin irinta ba, don haka ta zama ginshikin tabbatar da ra'ayin bangarori daban-daban.
Mataimakin ministan harkokin wajen kasar Sin ya bayyana cewa, bisa jagorancin ra'ayin Xi Jinping kan harkokin diflomasiyya, mun samar da sabuwar hanyar diflomasiyya ta manyan kasashen duniya, tare da halayen kasar Sin.
Lokacin aikawa: Oktoba-20-2022